Däi SecSi Smart Home sou schlau wéis du!
Eise SecSi Apparat ass extrem preiswert am Verglach mat anere Smart Home Varianten! Du kanns alles vun enger klenger eenzeger Liichtléisung bis zur voller Hausautomatioun hunn! Bei eis ass de Budget an dengen Hänn an du entscheets wéi vill du wëlls ausginn! Esou gëtt et eppes fir all Budget! Méi spéit kanns du zu all Moment méi Apparater no an no integréieren.
Sécherheet ass ganz wichteg fir eis bei SecSelS. Mat eise Smart Home Léisunge kanns du däin doheem sécher iwwerwaachen a kontrolléieren iwwerall op der Welt. Du eleng entscheets mat wiems du deng Donnéeën deelts a wien Zougang zu dengem Smart Home huet! Also musst du näischt deelen wats du net wëllts an du hues ëmmer voll Kontroll iwwer deng Donnéeën! Och reng lokal Léisunge si fir eis kee Problem!
Bei villen anere Smart Homes mussen d’Kabelen opwänneg geluecht ginn, wat an engem ale Gebai ganz schwéier an deier si kann. Mat SecSelS ass d’Installatioun ganz einfach a séier dank klengen Apparater déi hannert de Steckdousen, Luuchteschalter, etc. sinn. Ausserdeem kanns du däin ganzt Doheem mat enger eenzeger App kontrolléieren an du muss net déi richteg App fir däin Apparat fannen. Eise SecSi Smart Home hänkt net dovun of dass deng Apparater zu enger eenzeger Mark gehéieren. Den Interface ass och reng intuitiv ze benotzen an du brauchs kee Know-how matzebréngen!
Däi Smart Home kann automatiséiert ginn, sou datt verschidden Aktiounen duerch verschidde Reegelen selwer duerchgefouert kënne ginn. Sou kanns du zum Beispill deng Rolllueden all Dag beim Sonnenopgang automatesch opmaachen oder se bei Sonnenënnergang zoumaachen loossen. Oder du schalts eng Liichtsimulatioun un wanns du an der Nuecht net doheem bass; verschidde Luuchten ginn no geléierte Musteren un an aus fir Abriecher ofzeschrecken. Mat onsem Smart Home muss du dir och keng Suergen méi maachen den Uewen erëm ugelooss ze hunn. Däi Smart Home këmmert sech dorëm!
E Smart Home sou flexibel wéis du!
Eegen Hardware
Mat de SecSi Smart Homes ass et dir iwwerlooss wéi eng Hardware du benotze wëlls. Mir hunn fäerdeg Léisungen souwéi komplett individuell fir dech. Eis Software bënnt dech net un een spezifesche Hosting Provider oder un spezifesch Hardware – du entscheets!
Selfhosted
Deng Smart Home Daten sinn ëmmer ënner denger Kontroll. All Daten ginn an dengem SecSi Apparat gesammelt an an der Zentral bei dir doheem gespäichert. Du eleng entscheeds mat wiems du wéi eng Informatioun fir wéi laang deelen wëlls. Sou kanns du däin Smart Home souwuel online als och offline bedreiwen!
4 gutt Grënn fir däi neien Smart Home
Automatiséiert Rolllueden
Präsenzsimulatioun
Wanns du an der Vakanz bass oder net doheem iwwernuechts an net wëlls datt potenziell Abriecher dat wëssen, recommandéiere mir eng Präsenzsimulatioun. Dobäi léiert däi Smart Home wéi eng Luuchten am Haus du normalerweis zu wéi enger Zäit uschalts a kann dat während denger Absence simuléieren andeems et d’Luuchten automatesch no dengem Muster un- an ausschalt. Sou schéngt d’Aktivatioun zoufälleg a wéi wann een doheem wier.
Kontroll
Mat engem Smart Home kanns du däin Doheem iwwerall a zu all Moment iwwerwaachen a kontrolléieren. Bass du dir zum Beispill net sécher ob doheem nach eng Luucht brennt, kanns du dëst einfach iwwer deng Smart Home App kontrolléieren an se wann néideg ausschalten. Zousätzlech kann zum Beispill d’Heizung iwwer d’App an- oder ausgeschalt ginn an d’Temperatur an denge jeeweilege Raim kënnen individuell geregelt ginn.
